RATECH është një kompani që ofron instalime dhe integrime të sistemeve të sigurisë, përparësia kryesore e së cilës është shërbimi – shërbimi ndaj klientëve, kolegëve dhe komunitetit. Ofrimi i vlerave përmes shërbimit të pashembullt ndaj klientit dhe përsosmërisë operacionale ka qenë gjithmonë thelbësore për RATECH-un. Premtimi ynë dhe objektivi ynë kryesor është të jemi ofruesi më i mirë i shërbimeve për klientët tanë.
RATECH u krijua në vitin 2007 nga një grup të rinjsh të dedikuar për të sjellë në Shqipëri pajisje sigurie inovative. Por, përgjatë këtyre viteve, RATECH është bërë një nga kompanitë me rritjen më të madhe në sektorin e sistemeve të sigurisë në Shqipëri. Të udhëhequr nga pasioni dhe puna e palodhur, ne i kemi ndihmuar klientët tanë të plotësojnë të gjitha kërkesat e tyre të sigurisë.
Të frymëzuar nga arritjet tona, ne investojmë vazhdimisht në zgjidhje teknike dhe partneritete të reja, rrisim kapacitetet tona dhe zhvillojmë stafin tonë, për t’u siguruar që RATECH të pozicionohet mirë për të ndihmuar klientët tanë të eksplorojnë mundësitë e pafundme që prezantohen në sektorin tonë. Ajo që na bën unikë është aftësia për të konceptuar, projektuar dhe zbatuar kapacitete të reja teknike, që u lejojnë klientëve tanë ta çojnë biznesin e tyre në një nivel tjetër.
Si një kompani e ndërtuar mbi partneritete me marka lider në botë, RATECH e sjell teknologjinë e sigurisë në tregun shqiptar me efektivitetin më të madh të kostos. Jemi të lumtur ta bëjmë më të thjeshtë për ju kompleksitetin e industrisë së sigurisë, të zgjidhim çdo problem teknologjik që mund të keni dhe t’ju ndihmojmë në sfidat tuaja të biznesit.
STANDARDE PROFESIONALE
Proceset e punës në kompaninë tonë dhe shërbimet që ne ofrojmë për klientët janë në përputhje me standardet ndërkombëtare të certifikimit. Ne kujdesemi që t’i njohim këto standarde, t’i aplikojmë ato në përditshmëri dhe të kemi në çdo kohë certifikimet e nevojshme për t’u krijuar klientëve dhe partnerëve tanë sigurinë për cilësinë e punës sonë.
RATECH mbështetet në sisteme menaxhuese që kanë ndikim të drejtpërdrejtë në efiçencën e proceseve të punës, kënaqësinë e klientëve, motivimin e punonjësve dhe rritjen e produktivitetit.
RATECH mban këto certifikime sipas
standardeve ndërkombëtare:
ISO 9001:2015
Sistemi i menaxhimit të cilësisë
ISO/IEC 20000-1:2018
Teknologjia e informacionit – Sistemi i menaxhimit të shërbimeve
ISO/IEC 27001: 2013
Teknologjia e informacionit – Sistemi i menaxhimit të sigurisë së informacionit
ISO 22301:2012
Siguria shoqërore – Sistemi i menaxhimit të vazhdimësisë së aktiviteteve
ISO 50001:2018
Sistemi i menaxhimit të energjisë
PAS 99:2012
Sistemi i menaxhimit të integruar
ISO 14001:2015
Sistemi i menaxhimit të mjedisit
OHSAS 45001:2018
Sistemi i menaxhimit të shëndetit dhe sigurisë në punë
RATECH është mbajtës i këtyre
licencave profesionale:
NP-11/A
Ndërtime për nënstacionet, kabinat e transformatorëve, linja e TN e të mesëm dhe shpërndarjen e energjisë
NS-5/A
Impiante të sinjalistikës ndriçuese të trafikut
NS-13A
Impiante dhe linja telefonie dhe telekomunikacioni
NS-14E
Impiante të brendshme elektrike, telefoni, radiotelefoni, TV, etj
RATECH është mbajtës i Certifikatës së Sigurimit Industrial (CSI) dhe një numër punonjësish në pozicione kyçe janë të pajisur me certifikatë të sigurimit të personelit (CSP), lëshuar nga Drejtoria e Sigurimit të Informacionit të Klasifikuar.