Rëndësia e projektimit në sistemet e sigurisë

Përdorimi i sistemeve të sigurisë, veçanërisht i kamerave, alarmeve dhe aksesit, po rritet dita-ditës. Pothuajse çdo ambjent tregëtar, rezidencial, madje edhe ambjente publike, kanë nevojë për sisteme sigurie për të garantuar siguri e mbikëqyrje.

Si shumë procese të tjera, efektiviteti i sistemeve të sigurisë varet nga shumë faktorë. Disa nga këto faktorë janë lloji i pajisjeve (kamerave, p.sh.), infrastruktura e rrjetit, sipërfaqja që duhet mbuluar, etj. por, ndër to, një ndër faktorët më të rëndësishëm është projektimi i mirë i sistemit të sigurisë.

Projektimi i sistemeve të sigurisë, veçanërisht atyre të integruara, është një proces që përfshin mjete e teknika të shumta. Në RATECH, projektimi trajtohet si elementi më i rëndësishëm i punës sonë, pasi lehtëson punën gjatë fazës së instalimit apo integrimit, si dhe sqaron paraprakisht të gjitha kërkesat dhe shqetësimet e klientit. Projektimi i mirë limiton çështjet që i ngelen rastësisë apo ndryshimeve eventuale.

RATECH ka staf të dedikuar për projektimin. Ata i kushtojnë rëndësi mjeteve të dizajnit dhe objektivave të sistemeve të sigurisë, si dhe roleve të drejtuesve dhe të anëtarëve të ekipeve të grupeve të projektimit.

Vizatimet

Vizatimet janë zemra e dizajnit. Ato ilustrojnë konceptin e projektuesit rreth lidhjeve të sistemit me ndërtesën dhe marrëdhënieve të pajisjeve me mjedisin e tyre fizik, me rrjetin e kabllove dhe të energjisë, me njëra-tjetrën dhe me përdoruesit.

Specifikimet

Specifikimet teknike të projektit dhe të produkteve të përdorura janë shumë të rëndësishme, pasi jo vetëm përshkruajnë për çfarë është projektuar dhe çfarë mund të bëjë sistemi, por ato kanë edhe përparësi ligjore në rast të konflikteve për funksionalitetet e sistemit.

Çështjet buxhetore

Projektimi mund të shihet si një kosto shtesë në buxhetin e caktuar për sistemin e sigurisë. Por kjo kosto shtesë do të rimbursohet disa herë nga kursimet në drejtime të tjera. Së pari, projektimi na jep një parashikim të qartë të kostos së sistemit dhe nuk i lë vend rastësisë. Së dyti, një sistem i projektuar mirë funksionon gjatë siçduhet, duke kursyer në kosto mirëmbajtjeje e riparimi.

Koordinimi ndërdisiplinor

Sistemet e sigurisë janë të ndërlidhur me shumë sisteme e pajisje të tjera, të instaluara në ambjentin përkatës: sistemet elektrike, dyert, strukturat, ashensorët, ndriçimi, etj. Integrimi i mirë i këtyre elementeve është përcaktues për funksionimin e projektit sipas qëllimit të tij.

Përzgjedhja e produkteve

Specifikimi i produkteve të duhura për projektin është me ndikim të madh në suksesin ose jo të sistemit të projektuar. Është e rëndësishme që projektuesi të ketë hapësirën e mjaftueshme për të zgjedhur mes markave dhe kategorive të ndryshme të produkteve, në mënyrë që të adresojë të gjitha kërkesat e klientit.

Menaxhimi i projektit

Në RATECH i kushtojmë shumë rëndësi krijimit dhe organizimit të grupit të projektimit. Menaxheri i projektit është personi përgjegjës për koordinimin e stafit dhe të gjitha pjesëve të projektit, me qëllim dorëzimin e një projekti që plotëson të gjitha kërkesat e klientit. Klienti ka mundësi të ketë kontakt të drejtpërdrejtë me menaxherin e projektit gjatë të gjithë punës për hartimin e projektit.

Menaxhimi i klientit

Menaxhimi i klientit është procesi i menaxhimit të marrëdhënies midis kompanisë dhe klientit. Aspekti më i rëndësishëm i menaxhimit të klientit është mbajtja e projektit brenda qëllimit, afatit dhe buxhetit të përcaktuar.

Efektiviteti i sistemit

Një sistem i projektuar mirë do të funksionojë në përputhje me kërkesat, për të cilat u instalua. E gjithë pëpjekja për më shumë siguri do të jetë më e efektshme dhe, për pasojë, më me përfitim.

Aspektet afat-gjata

Këtu kemi parasysh që një sistem i projektuar mirë do të mbajë parasysh mundësitë afat-gjata, si ndryshimet teknologjike, zgjerimin apo transferimin e sistemit, etj. Të gjitha këto çështje e rrisin efektivitetin e sistemit në këndvështrimin afatgjatë dhe, për pasojë, e ndihmojnë biznesin të rritet dhe të jetëojë më gjatë.

Projektues/instalues me përvojë

Një projekt i mirë i një sistemi sigurie mund të hartohet vetëm nga një projektues me ekspertizë dhe përvojë, si RATECH. Si i tillë, projektuesit tanë janë në gjendje të kuptojë në detaje kërkesat tuaja dhe të projektojnë sistemin që ju nevojitet e që do të funksionojë për ju për shumë vite.